Gisusi ni Atty. Proculo Sarmen, usa ka eksperto sa labor law, ang benepisyo ug posible nga disbentaha sa pagpatuman sa four-day work week sa local government offices sa siyudad.
Sumala ni Sarmen, usa sa dagkong bentaha niini mao ang posibilidad nga ma-maximize ang productivity sa 40-hour workweek samtang makatipid sa konsumo sa kuryente ug enerhiya sa mga buhatan.
Giduso usab niya nga positibo kini sa aspeto sa administrative flexibility sa local government, kay bisan dili obligado sa national government memorandum circular, gisunod gihapon sa City Hall ang maong sistema.
Apan, giingon ni Sarmen nga importante nga masiguro nga walay malapas sa mga empleyado nga benepisyo ug suholan, ug kinahanglan nga matuman ang Civil Service Commission guidelines aron dili makaapekto sa welfare sa mga trabahante.
Ang four-day work week sa City Hall, sumala sa executive order ni Mayor Rolando “Klarex” Uy, nagsugod kagahapong adlawa ug naglakip sa compressed work schedule aron mapadali ang energy conservation ug operational efficiency sa siyudad. (by James Oliver)
