Gikonperma sa Bureau of Fisheries and Aquatic Resources Region 10 (BFAR-10) ang nahitabong fish kill sa mga lungsod sa Tubod ug Baroy sa Lanao del Norte, ingon man sa Tangub City sa Misamis Occidental.
Sumala ni Dir. Edward Yasay II sa BFAR-10, nakapadala na sila og mga personnel sa maong mga lugar aron magsugod sa inisyal nga imbestigasyon sa insidente.
Matod niya, sa ilang obserbasyon nakit-an ang pag-usab sa kolor sa tubig ug ang slimy nga kahimtang niini samtang daghang isda sa mga fish pens ang nangamatay.
Dugang pa niya, base sa water quality analysis, ubos ang dissolved oxygen sa tubig sa mga lugar nga posibleng nakaamot sa fish kill, uban pa sa epekto sa algae ug sedimentation.
Gipasabot usab ni Yasay nga ang nagkadaghan ug nagkadikit nga mga fish pens maoy usa sa ilang gilantaw nga posibleng nakaapekto sa oxygen level sa maong lugar.
