Malaumon ang Bureau of Fisheries and Aquatic Resources kun BFAR Region 10 nga walay natala nga fish kill sa rehiyon taliwala sa kainit sa panahon.
Gipahayag ni Vianney Anthony Abella Gapuz, ang Chief Production Division sa BFAR Region 10, nga gawas nga walay fish kill, natapos na usab ang insidente sa red tide sa Panguil Bay nga nahitabo duha hangtod tulo ka bulan ang milabay.
Gipasabot sa maong opisyal nga mitaas ang populasyon sa mga plankton ug harmful algae kaniadto tungod sa sige’g balhin-balhin sa kainit ug pag-ulan, apan miusos na kini pag-abot sa bulan sa Hunyo.
Bisan pa man niini, padayon gihapon ang ilang gihimong pagmonitor sa mga kadagatan aron paspasan ang pagpagawas og pahimatngon ug mapanalipdan ang publiko sa pagkaon og hilo nga mga isda o kinhason
