CAGAYAN DE ORO CITY-Gitugyan karon sa BFAR-10 sa Environmental Management Bureau sa DENR-10 ang dugang pag-imbestigar sa pagkamatay sa banye-banyerang mga isda nga tamban diha sa baybayon sa Purok 12,Brgy Tablon ning syudad.
Kini human walay nakit-an nga ilhanan ang inspection team sa BFAR nga kontaminado sa kemikal ang isda o tubig-dagat atol sa fish kill sa miaging adlaw.
Namahayag si BFAR fish health incharge Dr Jennifer Marie Rivero nga dili nila masulti kon unsa’y nag-unang hinungdan sa fish kill sa mga isda hinungdan nga angay masusi kini sa laing ahensiya sa gobierno.
Una niini,nabibo ang mga residente sa pagpanguha sa mga isda nga midagsa sa lapyahan diin ang uban gikunsumo samtang ang sobra giingong gipamaligya sa mga silingan sa miaging Domingo sa buntag.
