CAGAYAN DE ORO CITY, Philippines – Gipanigurado sa Bureau of Fisheries and Aquatic Resources (BFAR) nga may pagkaong isda ug magpabilin ang baskog nga kinitaan sa produktong dagat ang mga mangingisda nga maapektuhan sa pagbiya sa BRP Teresa Magbanua sa Escoda Shoal, sa West Philippine Sea.
Sa virtual forum nga gipahigayon sa BFAR alayon sa pagtamud sa National Fish Conservation Week, miingon si BFAR Ilocos extension and training chief lawyer Girlie dela Peña nga ang ahensiya padayong mulusad sa forum aron ma-edukar ang mga mangingisda sa baruganan sa gobyerno kalabot sa tensyon sa West Philippine Sea.
Gipamugos ni Dela Peña nga lig-on ang gihuptang balaod sa nasud batok food security, balaod sa Exclusive Economic Zone ug balaod sa Maritime Industry.
Kahinumduman nga niadtong Hunyo, nagpagawas sa balaod ang China nga dakpon ug taralon sa Biejing Courts ang mga mangingisda nga masapon sa paglusad sa fishing activities sa Escoda, Ayungin, lakip na sa pipila bahin sa Bajo de Masinloc.
Hisayran nga anaa sa 30-50 metriko tonelada sa isda ang makuha sa matag adlaw nga sa Escoda.
