Wala mapugngi sa mga barkong Intsik ang resupply mission sa Bureau of Fisheries and Aquatic Resources o BFAR padulong sa mga tropang Pinoy ug mga mangingisda nga nakabase sa Bajo de Masinloc kagahapong adlawa.
Miingon si Philippine Navy spokesperson for the West Philippine Sea Rear Admiral Roy Trinidad nga gipugngan ug gi-water canon sa Chinese vessels ang civilian boats sa BFAR apan nakalahos gihapon kini sa ilang misyon.
Siya miingon nga kanunay ang ilang paghatag seguridad sa mga resupply mission batok sa harassments sa China sulod sa West Philippine Sea.
Namugos usab ang China nga gibombahan nila’g tubig ang mga sakayan sa Pilipinas kay walay pananghid nga miagi sa ilang katubigan.
