Nagpasidaan ang Bureau of Fire Protection Cagayan de Oro sa mga lumulupyo sa dakbayan nga mag-amping sa matag panimalay subay sa bulanaong selebrasyon sa Higalaay Festival.
Matod ni FSSUPT Rey Lorono, City Fire Marshal sa BFP CDO, kinahanglan likayan ang pagbiya sa niluto sa kusina ug seguruhong napalong ang kalayo o ang LPG una mobiya sa balay aron malikayan ang sunog.
Gidugang pa niya nga ang publiko kinahanglan mag-unplug sa mga appliances nga wala gigamit o i-off ang breaker kung molakaw, aron dili mameligro ang panimalay samtang anaa sa trabaho o nagtambong sa mga kalihokan sa pista.
Busa, panawagan sa buhatan ang husto nga pag-amping ug pagbantay sa matag pamilya aron malikayan ang disgrasya ning panahon sa kasaulogan.-
