CAGAYAN DE ORO CITY – Gipamugos ni District Fire Marshall Allan Cabut nga dili prayoridad sa Bureau of Fire Protection ang paglakag sa mga rebeldeng New Peoples Army o NPA.
Kini ang reaksyon ni Cabut sa pahayag ni Pres Rodrigo Duterte nga armasan ang mga lalaki nga personahe sa BFP aron motabang sa pagmintinar sa peace and order sa nasud.
Miingon si Cabut nga trabaho sa mga sundalo ug pulis ang paglakag sa mga kaaway sa estado.
Apan gitin-aw niini nga andam gihapon sila nga motabang paglakag sa mga armadong NPA panahon sa emerhensya ilabina nga nalatid kini sa balaod.
