Giklaro sa Bureau of Fire Protection nga walay katuhoan ang mga hungihong nga gibag-o o gituyo sa gobyerno ang pagpagawas sa gitudlong suspek sa kasong arson sa nahitabong dakong sunog sa Sitio Sta. Cruz 2, Barangay Lapasan.
Gitin-aw ni CDO Fire District Investigator FO2 Kyle Nichol Reyes nga peke nga balita ang naglibot-libot sa social media nga si Mayor Rolando “Klarex” Uy o ang BFP ang nagpagawas sa maong suspetsado.
Gipasabot sa usab sa opisyal nga wala silay katungod sa pagpreso ug ang pagpagawas gihimo subay sa legal nga proseso tungod kay wala kini nadakpan pinaagi sa inquest proceedings.
Tungod niini, nagpahimangno ang BFP sa katawhan nga dili basta-basta motuo sa mga AI-generated nga balita ug hulaton na lang ang pormal nga preliminary investigation.
