Gikumpirma ni CDO District Fire Marshal Fire Senior Superintendent Rey Lorono nga ang electrical ignition o problema sa kuryente ug ang mga grass fire ang mga nag-unang rason sa pag-ulbo sa sunog sa dakbayan.
Matud pa sa maong opisyal, kasagaran kini naggikan sa mga kagamitan sa balay nga wala na-unplug, gubaon nga linya sa kuryente, ug sa grabeng kainit sa panahon.
Aron matubag kini, gipalihok sa BFP ang programang Oplan Ligtas na Pamayanan aron magporma og Community Fire Auxiliary Group sa matag barangay.
Giandam ug gitudloan ang mga miyembro niini sa matag komunidad aron sila ang unang moresponde kon magka-sunog ug magpahigayon og regular nga pagpahimangno sa ilang mga silingan.
