Giawhag karon sa Bureau of Fire Protection kon BFP ang mga residente nga magpondo gyud og tubig sa ilang mga panimalay taliwala sa nasinati nga grabeng kainit sa panahon.
Sumala ni CDO District Fire Marshal Fire Senior Superintendent Rey Lorono, gawas nga magamit kini sa adlaw-adlaw nga buhatonon, makatabang usab ang gipondong tubig sa pagpasa-pasa og balde kon bucket relay kon ugaling magka-sunog.
Gipasiguro usab sa maong opisyal nga kanunay nilang gipasusi ang ilang mga fire truck sa matag estasyon aron masigurong andam gamiton ug puno kini og tubig.
Samtang, gipahinumdoman usab ni Lorono ang publiko ug ang iyang mga tropa nga moinom kanunay og daghang tubig aron malikayan ang epekto sa taas nga heat index ug magpabilin nga himsog.
