Padayong gilantaw sa mga awtoridad ang tanang anggulo, lakip na ang hugon-hugon nga posibleng tinuyo ang nahitabong dakong sunog sa Burgos Street, Barangay 7, sumala pa ni Cogon Fire Station Fire Arson Investigator FO3 Nicholas Acobo.
Sa interbyu sa Bombo Radyo, gibutyag ni FO3 Acobo nga sa karon nagpahigayon pa sila og follow-up investigation diin padayon ang ilang pagpangalap og mga physical ug testimonial evidence aron mahatagan og katin-awan ang maong insidente.
Dugang pa sa opisyal, miabot sa pito ka panimalay ang hingpit nga nadaut, samtang tulo ang partially damaged, lakip na ang Engine 7 nga fire truck nga completely damaged usab sa maong sunog.
Tungod niini, gibana-banang miabot sa kapin kun kulang 8 ka milyon ka pisos ang kinatibuk-ang danyos o structural damage, nga pwede pa nga mosaka o manaog depende sa mahimong resulta sa ilang pinal nga imbestigasyon.
