CAGAYAN DE ORO CITY-Giimbestigaran pa gihapon sa Bureau of Fire Protection o BFP ang ngilngig nga sunog sa Spanish ancestral house sa pamilyang Lao sa Mahinog, Camiguin.
Kini human nahurot kamatay ang upat ka magsoong pulos senior citizens nga sila si Cherry Lao,75 anyos, Tomasita Lao, 70 anyos; Virgilio Lao, 65 anyos ug George Lao, 64 anyos sa maong lugar.
Miingon si FO1 Jero Parker Canculada sa BFP-Camiguin nga inisyal nila nasayran nga ang nasobrahan pag-charge nga celphone sa mga biktima ang hinungdan sa pag-ulbo sa sunog.
Nasayran nga duol ra ang BFP station sa pinuy-anan sa mga biktima apan ulahi natawagan ang mga bombero hinungdan nga midako ang maong sunog.
Samtang gikasubo ni Gov Baby Romualdo ang kamatayon sa mga magsoong Lao.
Miingon si Camiguin PDRRMO head Ojie Bollozos nga andam sila motunol sa ayuda sa koordinasyon sa Mahinog LGU.
