CAGAYAN DE ORO CITY – Gisalikway sa kapolisan ang anggulo nga tinuyo ang pagkasunog sa pipila ka lawak-saringan sa Poona Piagapo Central Elementary School, Old Poblacion sa Poona Piagapo, Lanao del Norte.
Kini human namulong ang arson investigators gikan sa Bureau of Fire Protection (BFP) nga ‘electrical overloaded’ ang pinakaduol nga rason sa pag-ulbo sa kalayo.
Namahayag sa Bombo Radyo si Police Regional Office 10 spokesperson Police Major Joann Galvez Navarro nga dagha’g appliances sama sa telebisyon,electric fan ug uban pa ang nakapahimutang sa lokasyon diin nagsumikad ang sunog.
Kini ang rason nga gitudlo sa mga otoridad nga ang naghinobra nga paggamit sa kagamitang de koryente ang sinugdanan sa kalayo sa kadlawon sa adlaw’ng Sabado.
Hinoon,nagsilbing electoral board quarters lamang ang mga nasunog nga school classrooms ug dili maoy gamiton alang sa pagbotar sa mga botante alayon sa brgy ug sangguniang panalalwaigan sa lugar ning adlawa.
Dumduman nga nakatutok ang atensyon sa Commission on Elections,kapolisan ug militar sa Lanao del Norte kay anaa sa Brgy Rarakan sa lungsod sa Nunungan ang ilang giisa nga ‘red category’ samtang una nang nagtala sa tulo ka kompirmadong election related incidents sa milabay’ng Setyembre ning tuiga.
