CAGAYAN DE ORO CITY-Gitutukan sa Bureau of Fire Protection o BFP ang depektoso nga linya sa koryente ug napasagdan nga nag-over heat nga gadgets ang hinungdan sa sunog sa San Vicente,Brgy Puntod ning syudad.
Kini human unang mikalas sa tulo ka menor de edad nga magsoon ug laing mag-live in partner ang sunog sa pinuy-anan sa pamilyang Cerillo ug Carillo sa lugar kagahapon sa kadlawon.
Miingon si BFP District Fire Marshall Supt Richard Arbutante nga gihatagan una nila sa higayon ang maong mga pamilya nga magbangutan sa gidangatan sa ilang mga kabanay.
Una nang namatay ang magsoong Louie,10 nga special child;Michelle,13;Mary Grace,12; Mark Kenneth Cerillo ,21 ug Connie Nandong sa hitabo.Samaron apan luwas na sa peligro ang mag-inahan nga si Melody ug Mary Joy Cerillo ingon man si Tir Jun ug Lilibeth Carillo.
Natala usab sa sin-miel pesos ang damyos pagkasunog sa dos andanas nga pinuy-anan.
Samtang pabiling dili makadawat ang magtiayong Eduardo ug Melody Cerillo sa gidangatan sa upat ka anak nga dungan namatay sa pagkasunog sa ilang balay ning syudad.
Miingon si Eduardo nga kon gikuyugan pa niya’g katulog ang iyang pamilya,hayan dili sila malukong sa nasunog nila nga pinuy-anan kagahapon sa kadlawon.
Nangayo usab kini’g tabang sa mga tawong dunay malumo’g kasingkasing bisan nagpasalig na ang city hall ug brgy officials nga moabag sa nahitabo sa ilang pamilya.
Ilubong ang magsoong Cerillo sa city public cemetery sa Brgy Camaman-an sa adlaw’ng Huwebes.Samtang si Connie Nabong ang gidala usab sa iyang pamilya sa Claveria,Misamis Oriental.
