CAGAYAN DE ORO CITY – Wala wad-a sa mga imbestigador ang anggulo sa arson ug aksidente ang pagkasunog sa usa ka bodega nga puno sa dry goods diha sa Brgy Cugman ning syudad.
Kini human una nang natumbok sa Bureau of Fire Protection o BFP ang tinubdan sa pag-ulbo sa kalayo sa maong bodega nga giabangan sa negosyante nga si Thomas Sia sa miaging gabii.
Miingon si SFO4 Samson Velarde,officer-in-charge sa BFP-CdeO operation section nga giimbitar na nila ang mga tawo nga dunay koneksyon sa maong warehouse alang sa pagsuta sa hinungdan sa sunog.
Una niini,mitala na sa 35 milyones pesos ang structural damage sa maong sunog sa miaging gabii.
