CAGAYAN DE ORO CITY-Gipusil sa motorcyle riding-in-tandem suspects si Brgy 3 Kagawad Jonathan Joseph Borja, 45 anyos diha sa 18-6th Streets, Brgy Nazareth ning syudad kaganihang buntag.
Miingon si SPO4 Jose Rene Rabusa nga gilayon nilang gisundan ang gi-drayban nga puti nga Montero sport nga dunay plakang KEX 186 nga iya ni Borja.
Nakita ni Rabusa nga dunay agi sa “gunshot” ang samin sa sakyanan ni Borja hinungdan nga nagduda sila nga kini gi-ambush.
Nakaabot pa sa Capitol University Medical City o CUMC si Borja aron magpatabang sa iyang na-angkon nga samad sa ulo.
Sumala usab ni SPO2 Joel Tare nga dili pa nila masuta ang motibo sa pagluthang kang Borja kinsa chairman sa committee on environment sa Brgy 3 ning syudad.
Gi-angkon ni Tare nga gi-ulo ang biktima apan daplis lamang ang iyang igo sumala sa pamahayag sa iyang kapikas.
Samtang nagmando na ni City Mayor Oscar Moreno sa kapulisan sa pagpatuman sa hugot nga imbestigasyon.
Hinoon giklaro ni Moreno nga hulaton una niya ang resulta sa imbestigasyon ayha mohatag sa pinal nga pahayag.
