CAGAYAN DE ORO CITY – Gihinaut ni Department of Interior and Local Government o DILG City Director Edward Bhagwani nga unta mokunsad sa publiko nga dili na nila usik-usikan ang ilang mga hinaguan pinaagi sa mga pagpabuto matag-sugat sa bag-ong tuig.
Kini tungod kay walay mahatag niini nga ikaayo sa ilang pamilya apan pagwaldas lamang sa salapi nga maayu unta nga gamiton sa mas prioridad nga panginahanglan.
Siya miingon nga mga negosyante lang ang nabuluhan apan pabiling kabus ang katawhan nga nagpadala sa maong market strategy.
Namugos kini nga gawas nga delikado sa panglawas,makadugang usab sa polusyon ug dakong perhisyo sa mga binuhing mga mananap ang mga pagpabuto sa palibot.
Mitapos kini sa pag-ingon nga kon tinood nga makapawala sa dimalas ug moharuhay ang kinabuhi sa mga tawo nga magpabuto pagsugat sa bag-ong tuig,daghan na unta ang na-adunahan apan pabilin ang daghang kabus sa kadaplinan.
