Gipahimangno pag-usab sa Bureau of Immigration ang padayon nga paggamit sa pipila ka Pilipino sa mga ilegal nga agianan gawas sa nasud o gitawag nga “backdoor exits.”
Ang pahimangno nag-uban sa kaso sa usa ka 24-anyos nga Pilipina nga nakagawas sa Tawi-Tawi pinaagi sa bangka ug nakalabang hangtod nakaabot sa Cambodia, apan napugos nga magtrabaho sa “love scam” imbes nga receptionist sa Myanmar.
Tungod niini, gibadlong ni Immigration Commissioner Joel Anthony Viado nga ang paggamit sa “backdoor exits” adunay dakong risgo nga mahimong biktima sa pagpang-abusar.
Sumala usab ni International Border Management and Technologies Association (IBMATA) President Sharon Ayley, ang maong problema sa border control usa ka “global problem” ug kinahanglan palig-onon ang kapasidad sa mga awtoridad aron mas epektibong matubag kini. (Philip Ariata)
