CAGAYAN DE ORO CITY-Kasuhan sa reckless imprudence resulting to homicide ang truck driver nga nakaligis-patay sa ulitawo diha sa Gaabucayan Street,Brgy 22 ning syudad kagahapon sa hapon.
Giila ni SPO1 Lumantas,traffic investigator sa Agora Police Station ang biktima nga si Camelo Nambatac,34 anyos ug nagpuyo sa maong lugar.
Gikan naghatod sa litson-baboy ang biktima sakay sa bisekleta dihang nabanggan sa cargo truck nga gimaneho ni Jecel Apostol nga taga-Libungan,North Cotabato.
Napasok ilawom sa truck nga kargado sa balas ang biktima hinungdan nga dead on the spot kini atol sa hitabo.
Samtang nangayo’g pasaylo nga truck driver nga si Jecel Apostol sa pamilya sa naligsan-patay niini nga si Camelo Nambatac diha sa Brgy 22 sa syudad.
Kini human aksidente nga nalatayan ug napasok sa ilawom sa truck si Nambatac samtang sakay sa gimaneho nga bisekleta.
Gitumbok usab ni Apostol nga sumala sa nakakita,nakainom nga nagmaneho sa bisekleta si Nambatac hinungdan nga naipit na hinoon kini sa duha ka dagkong truck hinungdan sa hitabo.
Detinado ug kasuhan si Apostol sa piskalya ning adlawa.
