CAGAYAN DE ORO CITY – Gusto pasilotan sa Bureau of Immigration and Deportation Cagayan de Oro District Office ang ilang pito ka kauban nga gikan sa central office nga basta-basta nga midakop sa tulo ka negosyanteng Intsik diha sa Zone 9,Brgy Cugman ning syudad.
Kini human angkona ni BID Cagayan de Oro District Office Alien Control Officer Felipe Alano Jr naulawan sila sa nahatag nga dakong alarma ngadto sa PNP kay unang na-report nga gipangdagit ang maong mga langyaw sa wala mailhing mga kalalakihan.
Siya miingon nga lehitimo ang operasyon sa ilang mga kauban apan wala niini tan-awa ang gidulot nga epekto sa kahusay’g kalinaw sa dakbayan.
Kini ang rason nga gihulat na lang niini ang spot report gikan sa kapolisan aron dungan iduso sa ilang central office batok sa mga kauban nila.Hisayrang maoy gipangdakop sila Xiao Kang;Leo Co Bautista ug Kang Yang nga mga tag-iya sa Soar High Construction Supplies Trading Warehouse sa maong lugar.
