ESTADOS UNIDOS – Temporaryong mohunong si US Pres Joe Biden sa iyang pagpangampanya kagahapong adlawa.
Gikompirmar sa White House nga nagpositibo sa COVID-19 ang presidente.
Pinaagi sa sulat-pamahayag, gibutyag ni White House press secretary Karine Jean-Pierre, nga nagpositibo sa bayrus si Biden ug nagbaton sa mild nga mga sintomas.
Ulahing nakit-an si Biden nga puwersado ang pag-inusara sa pagkatkat sa hagdanan sa Air Force One kagabii.
Wala kini magsul-ob sa facemask taliwala sa iyang pagkapositibo.
Sa wala pa mibiya, midistansya kini’g tubag sa mga pangutana sa medya kalabot sa iyang kahimtang sa panglawas.
Sa pagkakaron, “work from home” ang set-up sa trabaho sa presidente samtang nagkinaugalingo’g isolate sulod sa iyang puy-anan sa Delaware.
Una niini, mulusad unta sa pagpangampanya si Biden sa Las Vegas apan, wala kini uyuni sa iyang mga doktor.
Kini na ang ikatulong higayon nga nataptan sa COVID-19 si Biden bisan bakunado kini sa anti-covid vaccines ug nakadawat pa sa booster shots gikan sa Pfizer.(Bombo Anne Quileste).
