Gitumbok sa militar nga ang Bangsamoro Islamic Freedom Fighters o BIFF nga konektado sa grupong Dalwa Islamiya ang giingong responsable sa pagpamomba sa usa ka chicken restaurant sa Brgy Kalawag 2, Isulan Sultan Kudarat.
Gibutyag ni Western Mindanao Command spokesperson Lt. Col. Gerry Besana nga usa ka improvised explosive device ang giggamit sa pagpamomba diin ang BIFF lamang ang may kapas sa paggamit sa maong klase sa bomba.
Gikordon na sa kapulisan ug militar ang maong lugar aron madakpan ang mga gitoohang responsable sa pagpamomba.
Hisayran nga misaka na sa 18 ang gidala sa ospital human naangol sa nahitabong pagbusikad.
