Gipadayun sa Office of the Ombudsman ang walay hunong nga imbestigasyon batok sa mga opisyal ug indibidwal nga nalambigit sa korapsyon, isip kabahin sa mas pinalapad nga kampanya batok sa graft and corruption cases sa nasud.
Sumala ni Ombudsman Jesus Crispin Remulla, ang mga kasamtangang lakang nga ginahimo sa ilang opisina kabahin sa preparasyon alang sa iyang gihulagway nga “big push” batok sa korapsyon.
Mipasalig usab si Remulla sa publiko nga sa mosunod nga mga bulan aduna’y maayong balita nga mugawas gikan sa ilang mga imbestigasyon.
Gipasabot ni Remulla nga ang ilang opisina nagbuhat og lalom nga research ug pagpangalap og igong ebidensya, dili lamang dinhi sa nasud kondili lakip usab sa ubang nasud, aron masiguro nga lig-on ang mga kasong ipasaka. (James Oliver)
