MANILA – Nakatilaw sa laing pagkastigo gikan sa Philippine govt ang China.Kini tungod sa laing tinuyo nga pagbangga sa Chinese Coast Guard vessel sa labing dako nga barko sa Philippine Coast Guard nga BRP Teresa Magbanua sa Escoda Shoal kagahapon sa udto.
Miingon si National Maritime Council Undersecretary Alexander Lopez nga miduso na’g laing protesta ang Pilipinas batok sa gihimo sa China.
Makita sa video footages sa PCG nga miduol ang barko sa China ug makatulo nga gidumbol ang BRP Teresa Magbanua vessel.
Hinoon,walay mga tripulanteng Pinoy nga naangol sa hitabo.
Dugtong niini,gibarugan pa gihapon ni AFP chief of staff Gen Romeo Brawner Jr nga dili mangayo’g tabang sa Amerika ang Pilipinas.
Kini human dunay nagsugyot nga angayan nang paubanan sa US vessel ang matag-lawig sa mga barko sa Pilipinas sa West Philippine Sea aron dili na masubli ang harassments sa China.
