Paslak na sa prisohan ang gikonsiderar nga “bigtime drug puhser” sa gilusad nga drugbuy bust sa Purok 2, Barangay Lumbo, Valencia City, Bukidnon.
Nasikop ang suspek nga naila sa alyas “Jun-jun”, usa ka High Valued Individual (HVI), 34 anyos ug usa ka trabahante nga taga-Wao, Lanao del Sur.
Gikumpiska gikan sa suspek ang pito ka sachets sa gituohang shabu nga mitimbang sa 77.7 gramos, nga adunay gibanabana nga Standard Drug Price (SDP) nga P523,600.00.
Lakip sa nakuha sa posisyon sa suspek ang usa ka coin purse nga gigamit isip sudlanan sa shabu, iyang cellphone, ug ang buybust money sa kantidad nga P1,000.00.
Sumala sa report, kini pa ang unang higayon nga nadakpan ang maong suspek.
Cagayan de Oro City ug Valencia ang target sa suspek nga hatdan sa iyang mga supply sa druga gikan sa Wao.
Pasakahan ang suspek sa tukmang kaso sa Lunes.
