Gibutyag ni Cagayan de Oro Federation of Taxi Drivers and Operators Association o CAFITADA President Bernie Jamaca nga dili tanang gasoline stations sa dakbayan ang nagpatuman sa gilauman nga ₱16 nga bigtime rollback sa gasolina ug krudo.
Gipasabot ni Jamaca nga sa ilang pag-obserbar sa kadalanan, aduna pa gihapong mga estasyon ilabina sa dapit sa Puerto, Tin-ao, ug Agusan nga nagpabilin sa ₱74 hangtod ₱75 ang kada litro sa petrolyo samtang ang uban nag-rollback ra og ₱10 hangtod ₱11.
Apan gikalipay sa mga drayber nga may pipila ka gagmay nga estasyon sama sa Corrales Extension nga nag-rollback gayod og dako diin miabot na lang sa ₱65.70 ang presyo sa kada litro.
Busa ang panawagan ni Jamaca sa mga drayber sa taxi, motorela, ug multicab nga magkugi sa pagpangita sa mga estasyon nga nagtanyag og mas baratong presyo sa gasolina aron makatipid sa adlaw-adlaw nga biyahe
