CAGAYAN DE ORO CITY-Nanawagan sa paspas nga hinabang sa lokal nga kagamhanan ang nasunogan nga si Ethel Cainoy taga Valenzuela Road, San Isidro, Agora, Brgy Lapasan ning syudad.
Si Cainoy miingon nga nanginahanglan sila’g pinansyal nga tabang ug mga materyales alang sa itukod nga panimalay sa pinakadaling panahon.
Siya miingon nga dili sila komportable nga magpuyo sa covered court ilabina nga naa sila’y mga anak.
Hisayran nga nahitabo ang sunog kagahapong adlawa sa maong lugar tungod sa depektoso nga linya sa koryente.
Gibana-bana nga anaa sa gatus-mil pesos ang damyos sa sunog sa maong lugar kagahapon sa hapon.
