Misaka ang US dollar batok sa dagkong currencies human sa mensahe ni US President Donald Trump nga walay klarong timeline sa posibleng ceasefire sa Iran conflict, nga nakapahuyang sa paglaom sa merkado sa dali nga kalinaw sa Middle East.
Sumala sa report, ang dollar index mitaas hangtod 99.925 human sa maong pahayag, ug sa ulahi nag-trade sa 99.861 nga nagpakita og 0.3% nga pagtaas.
Gipasabot sa mga analysts nga ang dollar nakabenepisyo isip safe-haven asset samtang nagpadayon ang tensiyon nga nagsugod pa niadtong Pebrero, nga nagduso sa paglihok sa global markets. Dugang pa sa mga obserbasyon sa merkado, ang euro ug pound miubos og 0.3% batok sa dolyar, samtang ang Australian ug New Zealand dollar miubos usab og 0.6% tungod sa pagtaas sa kahadlok sa economic slowdown.
Sa katapusan, giingon sa mga financial experts nga ang sunod nga pagtutok sa merkado mao ang US non-farm payrolls report, nga mahimong makaapekto sa posibleng lihok sa Federal Reserve sa interest rates (JAMES OLIVER)
