CAGAYAN DE ORO CITY-Gipangita karon sa mga otoridad ang usa ka piniriso nga nakasibat sa Misamis Oriental Provincial Jail o MOPJ.
Si MOPJ Warden Dominador “Boy” Tagarda miingon nga maoy naka-ikyas si Jonathan “Dodong” Ramos, 45-anyos, residente sa Mambatangan, Manolo Fortich Bukidnon ug may kasong kasupakan sa pagbaligya’g gidiling droga.
Naka-ikyas siya sa bilangguan human nagpasumangil nga maglabay sa basura.
Hisayran nga si Ramos ang usa sa mga saligando nga binilanggo sa maong prisohan.
Samtang gipanganti sa maong jail warden nga ilang subling madakpan karong adlawa ang naka-ikyas nga si Jonathan “Dodong” Ramos.
Matud ni Tagarda nga nagtinabangay na ang tanang mga law enforcers sa pagpangita sa suspek ug may nadawat na siyang impormasyon sa lokasyon niini.
Hisayran nga nagtoo si Tagarda nga selos ang hinungdan kung nganong napugos sa pagsibat sa Ramos human kini makadawat sa report nga adunay laing lalaki ang iyang kaipon.
