Usa ka binugo o stupido nga desisyon alang sa Liberal Youth Northern Mindanao ang pag-oktaba sa barangay election ug paglugway sa termino sa mga lokal nga opisyal.
Sumala sa Chairman sa grupo nga si Andre Josol, gipagawas ang desisyon nga walay lig-ong rason ug supak sa probisyon sa Batakang Balaod nga nagprotehir sa gieskedyul nga eleksyon.
Gitin-aw ni Josol nga pamalibad ra sa kagamhanan ang pagsumpo sa krimen kay ang pwesto ra sa mga opisyal ang giprotektahan ug dili ang katungod sa mga botante.
Dugang pa sa batan-ong lider, ang pag-oktaba sa eleksyon nagpugong sa publiko nga makapuli sa mga badlongon ug kurakot nga mga lider sa komunidad.
