CAGAYAN DE ORO CITY – Gimanduan sa provincial govt ang mga residente nga namuhi’g mga baboy nga ipatuman ang istrikto nga ‘bio security’ batok sa mikaylap pagbalik nga African Swine Fever sa Misamis Oriental.
Kini resulta sa pakigtagbo ni Provincial Gov Peter Unabia sa tanang municipal ug city agriculturist sa lalawigan aron ipalig-on ang mga lakang batok ASF.
Namahayag si Provincial Veterinary Office head Dr. Benjie Resma nga kinahanglang sundon kini sa backyard hog growers aron dili malukop sa ASF ang lalawigan.
Hinoon,bugtong lungsod pa lang sa Lagonglong ang kompirmadong dunay kaso ug nakontrol na usab kini sugod sa miaging semana.
