CAGAYAN DE ORO CITY – Kampante ang Bureau of Internal Revenue Region no.16 nga makab-ot ang ilang target tax collections sa Northern Mindanao ning tuiga.
Kini human gitaho ni BIR 16 asst regional director Atty Helen Abellanosa nga nakulekta na nila ang 13.1 bilyones pesos gikan Enero hangtod Agosto ning tuiga.
Miingon si Abellanosa nga nag-short sila’g 4.22 percent gikan sa 13.6 bilyones pesos nga target sa maong bahin sa tuig.
Apan masaligon kini nga sa kinitaan sa nabiling mga bulan ning tuiga,makuha nila ang gisugo kanila sa Dept of Finance (DOF).t
Siya miingon nga hinoon mas taas kini nga koleksyon sa 12.87 porsiento itandi sa susamang period sa miaging 2023.
