Mipasaka og reklamo ang Bureau of Internal Revenue (BIR) sa Department of Justice (DOJ) batok sa Hongsheng Gaming Technology, Inc. tungod sa giingong ₱2.22 billion nga tax evasion
.Napanid-an sa imbestigasyon sa BIR ang dako nga kakuwang sa gipahayag nga kita sa maong kompanya, diin napakyas kini sa pagbayad sa saktong Value-Added Tax (VAT) ug final withholding tax alang sa ilang mga langyaw nga empleyado.Gitin-aw sa ahensya nga miabot sa kapin ₱2 milyon ka pesos.
21 ang kinatibuk-ang kakuwang sa buhis base sa nakitang kausaban tali sa opisyal nga rekord ug sa gihan-ay nga datos sa kompanya.
Mipadangat usab ug pasalig si BIR Commissioner Romeo Lumagui Jr. nga magpadayon ang ahensya sa paggukod sa maong kaso aron masiguro ang patas nga patigayon alang sa mga matinud-anon nga nagbayad og buhis.
Ang maong pagpasaka og kaso kabahin sa Run After Tax Evaders (RATE) Program sa ahensya, nga nagtinguha sa pagpalig-on sa kampanya batok sa mga ilegal nga paglikay sa obligasyon sa buhis sa nasud.
