Gikuha sa Bureau of Internal Revenue o BIR ang tabang gikan sa nagkadaiyang business groups aron mas mapalambo pa ang serbisyo ngadto sa mga magbubuhis sa nasud.
Kini paagi usab sa BIR nga makadani sa mga negosyante nga mobayad sa ensaktong buluhisan.
Miingon si BIR Commissioner Romeo Lumagui Jr n ga pinaagi sa maong panagtambayayong, mapasayon ang data ug suggestion collections diin saw-an ang pagpangita’g kasulbaran sa napormang kasabutan.
Kini tungod kay sagad sa maong mga grupo,naglakip man sa gagmay ug dagko nga mga patigayon.
Gitahasan sa Dept of Finance ang BIR nga mangulekta sa 3 trilyones pesos nga tax collections diin nakobra na ang 1.6 trillion pesos sa milabay’ng pito ka bulan ning tuiga.
Hisayrang kabahin sa mga gidangpan sa BIR ang Philippine Chamber of Commerce and Industry, Tax Management Association of the Philippines, Management Association of the Philippines, Financial Executives Institute of the Philippines, Philippine Institute of Certified Public Accountants, Association of Certified Public Accountants in Private Practice, Association of CPAs in Commerce and Industry, Philippine Exporters Confederation, and Joint Foreign Chambers of the Philippines;Makati Business Club, Federation of Filipino-Chinese Chambers of Commerce ug Industry, and the Alliance of Tech Innovators for the Nation.
