CAGAYAN DE ORO CITY-Ipaubos sa inquest proceedings sa kapolisan ang kanhi bise mayor nga may kasong rebellion sa Marawi City.
Giaresto ang suspek nga si kanhi Marawi City Vice Mayor Arafat Salic sa giingong kalambigitan sa Marawi Siege niadtong tuig 2017.
Miingon si Lanao del Sur Provincial Police Office Director Police Sr/Supt Madzgani Mukaraam miingon nga gisikop ang suspek pinaagi sa joint operation sa 82nd Infantry Battalion ug kapolisan sulod sa Marawi City hall samtang mipaubos sa custodial debriefing ug medical check-up.
Si Salic listahan sa Office of the Martial Law Administrator Arrest tungod sa rebellion case .
Samtang mihatag katin-awan si Mukaram,provincial director sa Lanao del Sur Provincial Police Office kung nganong karon lang nila nadakpan si former Marawi City Vice Mayor Arafat Salic.
Siya miingon nga kapin tuig nga nagtago sa balaod si Salic sukad mahitabo ang giyera sa Marawi City.
Gani, gilangkat siya sa pwesto sa Department of Interior and Local Government isip bise mayor tungod kay kapin tuig na siya nga wala magpakita sa Marawi City Hall.
Sa pagkakaron, gisabutan pa sa kapulisan ug militar kung aha nila ipasaka ang kasong rebellion batok Salic.
