Tataw nga nagpabiling lig-on ang suporta sa mga Pilipino kang Bise Presidente Sara Duterte base sa pinakaulahing survey sa Social Weather Stations nga gipagawas sa bag-ohay lang.
Sa tunga-tunga sa giatubang niining kaso sa impeachment diha sa Committee on Justice, nakakuha gihapon ang bise presidente og 54 porsyento nga satisfaction rating, samtang anaa sa 25 porsyento ang wala nakauyon sa iyang performance.
Sumala ni Engr. Dioric M. Gavino, co-convenor sa DDS Sara All Confederation ,kining positibo nga resulta nagpakita lamang nga wala gayud mitoo ang katawhan sa mga alegasyon nga gipresentar sa maong komite.
Hinuon, gipadayag ni Gavino nga dako og papel ang social media ug ang teknolohiya karon sa paghatag sa mga tawo og tinuod nga impormasyon aron makita ang matuod nga dagan sa mga panghitabo.
Tungod niini, gipamatuod sa maong survey nga dili basta-basta matay-og ang pagsalig sa masa ngadto sa bise presidente bisan pa sa mga gihimong pagbira sa mainstream media.
