Gipalig-on sa United People Against Corruption (UPAC) ang panawagan sa katawhan aron mapanubag ang tanang nalambigit sa korapsyon sa flood control ug infrastructure projects. Gipahayag ni Bishop Kiko Herrera nga kinahanglan ang dungan nga pagkondenar sa tanang sektor nga tinuod nagbayad sa buhis. Ang obispo miingon nga dili na panahon sa pagpakahilom tungod kay daghan ang naningkamot nga makab-ot ang hustisya gikan sa buhis nga gibulsa lang sa dagkong opisyal, samtang minilyong ihap sa katawhan ang nag-antos sa grabeng pagbaha ug halos libuan na ang namatay, ning tuiga. Gipunting sa obispo nga ang pakigbisog batok sa mga “hudas” nagkinahanglan sa pag-ampo, kakugi, sakripisyo ug kakapoy aron makab-ot ang tinuod nga kausaban.
