CAGAYAN DE ORO CITY- Ipaubos sa PNP sa tactical interrogation ang kapikas sa namatay’ng terrorist leader nga si Omar Maute.
Kini human nasikop sa hiniusang pwersa sa kapolisan ug Joint Task Force Ranao si Minhati Madrais alyas Baby didto sa Tubod, Iligan City.
Kauban sa Indonesian national nga si Madrais ang ilang unom ka anak ni Omar nga naglakip sa upat ka babaye ug duha ka lalaki.
Gibutyag ni PNP Chief Director General Ronald de la Rosa nga ilang i-turn-over sa DSWD ang mga bata samtang gipaubos sa imbestigasyon ang kapikas ni Omar.
Kasuhan usab sa kapolisan si Madrais ug illegal possesion of explosives components human nakuha sa iyang posisyon ang upat ka blasting caps, duha ka detonating cord ug usa ka time fuse.
Samtang makig-koordinar ang PNP sa Dept of Foreign Affairs o DFA kabahin sa pagkustidya kang ndonesian national Minhati Madrais alias ‘Baby’.
Kini ilabina nga nag-akusar si Madrais nga dili siya luwas sa kustodiya sa mga otoridad sa Iligan City.
Miingon si Sr/Supt Leony Roy Ga,director sa Iligan City Police Office nga hayan itugyan nila si Madrais sa PNP Camp Crame aron direkta nga maka-koordinar sa embahada sa Indonesia sa kauluhan.
Si Madrais ang ikaduha nga Indonesian national nga nasikop sa mga otoridad nga konektado sa giyera sa Marawi City.
