Gipasigarbo sa Bureau of Jail and Managment and Penology – Region 10 ang ilang nadawat nga accreditation sa Professional Regulation Commission (PRC) aron makahatag sa mga programa alang sa padayon nga propesyonal nga kalamboan sa mga rehistradong criminologist. Gihimo ni BJMP-10 Jail Superintendent Felixberto Jagorin Jr ang pamahayag dihang giselebrar sa ilang han-ay ang ika-34 nga anibersaryo sa katukutan sa ilang ahensya.
Lakip sa gipasalamatan ni Jahgorin ang ilang mga jail officers ug staff nga mituman sa ilang mandato sa pagmintinar sa luwas ug hapsay nga pagdumala sa Persons Deprived with Liberty (PDLs), dungan sa paghatag sa tinuoray nga kahigayunan alang sa ilang kaayohan, ug ang padayon nga inobasyon nga ilang gitinguha.
Sa pagkakaron ang rehiyon nagbaton na sa 26 ka operational jail facilities, kundiinkinatibuk-ang 6,398 PDLs ang anaa sa sulod.
Bisan pa sa hagit sa jail congestion, ilang gipatuman ang lakang sa pagbalhin sa 734 ka insular prisoners padulong sa Bureau of Corrections.
Libuan ang nakabenepisyo sa paralegal-assisted releases.
Sa kampanya batok sa ilegal nga droga, 100% sa ilang PDL population ang na-drug test, samtang 55 ka certification ang na-isyu isip pamatuod nga walay kontrabando nga nakumpiskar sa gilusad nga mga greyhound operations.
Sa aspeto sa seguridad, kapin sa 10,000 ka greyhound operations ang ilang napahigayon, lakip ang 76 ka joint operations kauban ang Philippine National Police ug Philippine Drug Enforcement Agency. S
a pagkakaron, adunay 1,107 ka personnel ang ilang nahan-ay, lakip na ang 105 ka bag-ong Jail Officer I.
