Gisaulong sa Bureau of Jail Management and Penology (BJMP) ang laing tuig sa ilang malungtarong pagserbisyo. Ang tema sa kasauluhan mao ang “Matatag na Serbisyo, Patnubay sa Tunay na Pagbabago”.
Gibutyag ni Jail Senior Superintendent GIL INOPIA JR, Assistant Regional Director for Administration nga sulod sa 34 ka tuig, nagpabilin nga lig-on ang BJMP sa pagpaningkamot nga mapaayo ang pagdumala sa mga prisohan.
Gigamit sa ahensya ang mga oportunidad sama sa mga hagit aron mapauswag ang rehabilitasyon, inobasyon, ug pag-andam sa mga Persons Deprived of Liberty (PDL) alang sa ilang pagbalik sa komunidad.
Matag tuig, ang mga personahe sa BJMP nagpakita og kaisog, dedikasyon, ug pagkugi sa pag-atubang sa mga isyu sa seguridad ug sa epektibong pagpadagan sa adlaw-adlaw nga operasyon.
