CAGAYAN DE ORO CITY-Gipanghimakak sa kadagkuan sa BJMP-10 nga nahimo nang mayor sulod sa selda ang kontrobersyal nga Australian national nga nag-atubang sa 75 ka kasong kriminal diha sa Lumbia City Jail ning syudad.
Gibutyag ni BJMP Asst Regional Director for Operations Jail/Supt Fr Nestor Caber nga walay basehan ang mga report nahimo nang mayor sulod sa selda si Australian national Peter Gerard Scully.
Si Caber miingon nga gi-tratar nila si Scully kuyog ang ubang foriegners nga binilanggo nga high profile inmate sulod sa moang bilangguan.
Gihimo ni Caber ang katin-awan tungod sa mikatag nga taho nga gihatagan nila’g special treatment si Scully kinsa nagbaton sa 3 ka Pinay live-in partners nga kaabag niya sa paghimo’g video scandal kuyog ang mga menor nga kababaye-an dinhi sa syudad.
