CAGAYAN DE ORO CITY – Gipanghimakak sa kadagkuan sa Bureau of Jail Management and Penelogy o BJMP-10 nga naggikan sulod sa male dormitory sa city jail ang ilegal nga droga nga nagkatag sa syudad.
Kini human unang gikatingala nga halos moabot milyon pesos ang balor sa makompiskar nga shabu gikan sa mga dinakpan bisan sa panahon sa pandemya sa dakbayan.
Gibutyag ni BJMP-10 spokesperson JO3 Orly Montalban nga usa ka drug-free facility ang Lumbia City Jail ug mismo ang nagkadaiyang law enforcement agencies ang makamapatood niini.
Una nang nadakpan ang taxi driver nga si Salvador Badion diin nakuhaan sa halos tunga sa milyong balor sa gitoohang shabu sa pagbuy-bust kaniya sa Brgy Lapasan ning syudad sa miaging gabii.
