CAGAYAN DE ORO CITY-Mataktak na sa trabaho kon mapamatud-an nga sad-a ang jail officer sa Bureau of Jail Management and Penology o BJMP-Cagayan de Oro City.
Kini human nasikop sa gihimong anti-buy bust operation sa kapolisan ang suspek nga si Jail Officer 3 Arvin Ybañez, 34 anyos ug nagpuyo sa Brgy Bulua ning syudad.
Miingon si Agora Police Station commander C/Insp Allan Curato nga nakompiskar gikan sa suspek ang sachets sa suspected shabu,P500 marked money,9mm pistol dihang nasikop sa Brgy 34 ning syudad kagabii.
Kasuhan sa pagbaligya’g gidiling droga ug illegal possession of firearms ang suspek ilabina kon walay legal nga dokumento ang armas niini.
Nagdumili na usab pagkomento ang suspek sa Bombo Radyo dihang gikuhaan kini’g panig human sa hitabo.
