CAGAYAN DE ORO CITY-Gikadismaya ni Lumbia City Jail Warden Kenny Rodillo ang pagkasikop kang Jail Officer 3 Arvien Ybañez.
Kini human malambigit sa pagbaligya’g gidiling droga sa Brgy 34 ning syudad.
Si Rodillo miingon nga nakurat siya sa report ilabina nga walay nagpositibo sa paggamit sa ilegal nga droga nga mga personahe sa Lumbia City Jail sa ilang gipahigayon nga random drug testing.
Apan gitin-aw niini nga may gi-relib na siya sa serbisyo ubos si Ybañez tungod sa kalambigitan sa ilegal nga droga.
Si Ybañez ang pabiling nagdumili paghatag komento kabahin sa iyang pagkasikop sa miaging gabii.
Matud pa pahugtan ni Rodillo ang intelligence monitoring sa ilang mga personahe nga nalambigit sa paggamit sa ilegal nga droga.
Matud ni Rodillo nga makigkoordinar usab sila sa kapulisan ug mga personahe sa Philippine Drug Enforcement Agency aron mas mapalig-on pa ang ilang himoong imbestigasyon.
Una niini, tulo ka suspected shabu, marked money ug 9mm pistol service firearm ang nakuha sa iyang posisyon.
