CAGAYAN DE ORO CITY-Kasuhan sa kapolisan sa pagbaligya’g gidiling droga ang jail officer nga unang nasikop sa buy bust operation diha sa Brgy 34 ning syudad sa miaging gabii.
Kini human nakuhaan nila ni Agora Police Station commander C/Insp Allan Curato ang suspek nga si Jail Officer 3 Arvien Ybañez nga nakabase sa BJMP-10 sa tulo ka suspected shabu,marked money ug 9mm pistol service firearm.
Miingon si Curato nga nakig-koordinar na kanila ang mga opisyal ni Ybañez aron masugdan usab niini ang laing imbestigasyon alang sa kasong administratibo.
Si Ybañez,45 anyos nga taga-Brgy Bulua ang subli gikuhaa’g panig sa Bombo Radyo kabahin sa pasangil batok kaniya apan nagbalibad kini paghatag komento.
