BJMP-X MOA signing tali 17 tunghaan sa NorMin, gilusad

Mahimo nang makakolekta sa mga impormasyon ang mga tunghaan nga laraw musulod sa mga pasilidad nga ubos sa Bureau of Jail Management and Penology sa Northern Mindanao. Karong adlawa, gilusad sa BJMP Regional Office X ang makasaysayanong Memorandum of Agreement (MOA) uban sa 17 ka partner institutions aron tugotan ang mga tunghaan nga makakolekta sa impormasyon sa mga pasilidad sa prisohan sa Northern Mindanao. Lakip sa mga institusyon mao ang Xavier University, COC-Phinma, Lourdes College, Capitol University, MSU-IIT, USTP-CDO, ug Central Mindanao University, nga mulusad sa ethical research ug edukasyon alang sa Persons Deprived of Liberty (PDLs). Ang MOA naglatid sa mga kondisyon sa pag-access sa datos, paghatag og research outputs, ug pagrekomenda sa BJMP alang sa pagpauswag sa ilang mga programa. Sumala ni Jail Chief Superintendent Felixberto Jagorin Jr., ang kasabutan usa ka lakang padulong sa modernisasyon ug transparency sa mga pasilidad sa prisohan.

Gibutyag ni JCINSP Jeza Mae Sarah C. Sanchez, Chief sa Program Development Division, nga ang BJMPRO-X buot nga suportahan ang tanang “student research” basta kini himoon nga adunay pagrespeto sa seguridad, dungan ang pagsubay sa confidentiality, ug etikal nga gabayan. Ang kasabutan nagpakita sa pagtuo nga mahimong mag-usa’g ang edukasyon ug mga ahensya sa gobyerno sa pagtabang sa mga prisohan nga makamugna sa kaayohan ug kaalam alang sa positibong pagbag-uhan para sa mga inmates. Ang mga tunghaan gilauman nga mutabang sa pag-assess sa mga programa sa PDLs, lakip na ang technical-vocational ug college-level education. Ang kolaborasyon naghatag sa oportunidad sa mga estudyante ug researchers nga makatampo sa reporma sa penal system sa rehiyon.

Ang partnership nagpalig-on sa inisyatibo sa BJMP nga “Behind the Bars” program, nga gisugdan sa MSU-IIT niadtong Oktubre 2023, aron hatagan sa tsansa ang mga PDLs nga makakat-on ug makab-ot ang edukasyon bisan pa sa ilang kahimtang. Ang mga research outputs nga makolekta sa mga partner schools mahimong gamiton sa pagdesinyo og mas epektibong mga programa sa rehabilitasyon ug reintegrasyon. Gilauman nga ang kasabutan makahatag sa dugang nga insights sa kahimtang sa mga PDLs ug sa operasyon sa mga prisohan. Sa tibuok Pilipinas, kini nga modelo mahimong sundon sa ubang rehiyon aron mapalapdan ang papel sa edukasyon sa sulod sa penal system.

“𝑨𝒏𝒈 𝒌𝒂𝒔𝒖𝒏𝒅𝒖𝒂𝒏𝒈 𝒊𝒕𝒐 𝒂𝒚 𝒏𝒂𝒌𝒂𝒖𝒈𝒂𝒕 𝒔𝒂 𝒑𝒂𝒏𝒊𝒏𝒊𝒘𝒂𝒍𝒂𝒏𝒈 𝒑𝒖𝒘𝒆𝒅𝒆𝒏𝒈 𝒎𝒂𝒈𝒔𝒂𝒏𝒊𝒃 𝒂𝒏𝒈 𝒆𝒅𝒖𝒌𝒂𝒔𝒚𝒐𝒏 𝒂𝒕 𝒑𝒂𝒎𝒂𝒎𝒂𝒉𝒂𝒍𝒂 𝒔𝒂 𝒌𝒖𝒍𝒖𝒏𝒈𝒂𝒏 𝒖𝒑𝒂𝒏𝒈 𝒎𝒂𝒌𝒂𝒍𝒊𝒌𝒉𝒂 𝒏𝒈 𝒎𝒈𝒂 𝒌𝒂𝒂𝒍𝒂𝒎𝒂𝒏𝒈 𝒎𝒂𝒈𝒂𝒈𝒂𝒎𝒊𝒕 𝒑𝒂𝒓𝒂 𝒔𝒂 𝒑𝒐𝒔𝒊𝒕𝒊𝒃𝒐𝒏𝒈 𝒑𝒂𝒈𝒃𝒂𝒃𝒂𝒈𝒐. 𝑩𝒖𝒐𝒏𝒈 𝒔𝒖𝒑𝒐𝒓𝒕𝒂 𝒂𝒏𝒈 𝑩𝑱𝑴𝑷𝑹𝑶-𝑿 𝒔𝒂 𝒎𝒈𝒂 𝒑𝒂𝒏𝒂𝒏𝒂𝒍𝒊𝒌𝒔𝒊𝒌—𝒃𝒂𝒔𝒕𝒂’𝒕 𝒊𝒕𝒐 𝒂𝒚 𝒊𝒔𝒊𝒏𝒂𝒈𝒂𝒘𝒂 𝒏𝒂𝒏𝒈 𝒎𝒂𝒚 𝒑𝒂𝒈𝒈𝒂𝒍𝒂𝒏𝒈 𝒔𝒂 𝒔𝒆𝒈𝒖𝒓𝒊𝒅𝒂𝒅, 𝒑𝒂𝒈𝒊𝒈𝒊𝒏𝒈 𝒌𝒖𝒎𝒑𝒊𝒅𝒆𝒏𝒔𝒚𝒂𝒍, 𝒂𝒕 𝒆𝒕𝒊𝒌𝒂𝒍 𝒏𝒂 𝒑𝒂𝒎𝒂𝒏𝒕𝒂𝒚𝒂𝒏,” ang pahayag ni JCINSP JEZA MAE SARAH C SANCHEZ, Chief, Program Development Division.