CAGAYAN DE ORO CITY – Huyang ang mga gihuptang argumento sa mga magbabalaod nga ilang gigamit aron kumbinsihon ang katawhan nga angay masibog ang paglusad sa Barangay ug SK Elections o BSKE ning tuiga.
Gibutyag ni National Movement for Free Elections o NAMFREL Misamis Oriental-CdeO chapter coordinator Nestor Banuag Jr nga nagpakita kini sa kahakog sa mga magbabalaod gumikan sa ilang kaugalingong mga interes.
Siya miingon nga pag-oktaba sa piliay ang dayag nga paghikaw sa demokrasya pinaagi sa pagtugot sa katawhan makapili sa ilang mga gustong ipadumala sa ilang kabarangayan.
Hisayrang andam na ang pipila ka election watchdogs nga kuwestiyonon ang legalidad sa maong isyu didto sa korte suprema.
