CAGAYAN DE ORO CITY – All-set na ang pagpahigayon sa mga aktibidad may kalabutan sa laing kapistahan sa Itom nga Nazareno sa syudad sa adlaw’ng Lunes.
Kini maoy gisugilon ni Msgr. Perseus Cabunoc,Vicar General,SSJV kinsa kura paroko sa Sr. Jesus Nazareno Parish sa Recto Avenue ning dakbayan.
Miingon si Cabunoc nga kompirmadong dunay pag-prosesyon sa Nazareno sa kadlawon sa adlaw’ng Lunes igo paghuman sa santos nga misa niini sa Sr San Agustin Cathedral.
Siya miingon nga istrikto ipatuman ang mga gabayan sa seguridad ug ang pag-obserbar sa health protocols batok sa presensiya sa COVID-19.
Hisayrang duha ka tuig usab nga walay traslacion sa Itom nga Nazareno sa dakbayan kay gidid-an sa IATF.
