CAGAYAN DE ORO CITY – Mismo si Bureau of Fire Protection o BFP regional director Fire Sr Supt Richard Arbutante ang nag-aghat sa tanan nilang mga personahe nga molambigit sa nagkadaiyang blood donation drives palibot sa rehiyon.
Kini nga mensahe mihaum usab sa ipahigayon nga Dugong Bombo project nga himoon sa Dr. Ricardo Roturas Hall, USTP sa Brgy Lapasan ning syudad sa adlaw’ng Sabado, Nobyembre 16.
Miingon si Arbutante nga talagsaon ang maong kalihukan hinungdan nga angay paluyuhan kay nagtumong kini pagtabang sa mga tawo nga nagkinahanglan sa abono sa dugo.
Gihimo sa opisyal ang pagdasig nunot usab sa iyang pagsilbing silver galloner nunot sa lahutay nga pagdonar sa dugo.
Kini ang rason nga angay usab buhaton sa iyang mga kauban sa trabaho sulod sa gobierno ang susamang kaakuhan.
